ကျောင်းတုန်းက သူငယ်ချင်းများသို့

မိုး..

လွမ်းတတ်သူတွေအတွက် လွမ်းအောင်ဖန်တဲ့မိုး….။
မလွမ်းတတ်သူအတွက် သတိရစိတ် ဖြစ်ပေါ်စေတဲ့ မိုးရယ်ပါ…။

မိုး…

မိုးကြောင့် လွမ်းရ၊ သတိရပြန်ပြီပေါ့…။ ဟုတ်တယ်… အခုလို မိုးဦးရာသီ ကျောင်းဖွင့်ချိန်ဆို ပိုပြီး လွမ်းနေရလို့ပါ။

ကျောင်းသားဘ၀ကို လွမ်းတယ်။ သူငယ်ချင်းတွေကို သတိရတယ်….။

(သူငယ်ချင်းတို့ရေ.. မင်းတို့ ဘယ်ဆီမှာလဲဝေ့…….။

မင်းတို့ရော ငါလွမ်းသလို လွမ်းမိကြပါရဲ့လား….။ ငါကိုမှ သတိရကြသေးလား…ဝေ့။ )

တိုက်ဆိုင်မှုများစွာနဲ့ ဆက်တိုက် ကြုံနေရလို့ ကျောင်းသားဘ၀ကို မလွမ်းပဲ မနေနိုင်တော့ဘူး။ နှစ်ကာလများစွာ ဖြတ်သန်းလာပြီးမှ ငယ်မူပြန်ချင်စိတ် ပေါက်လာတယ်။

ရည်ရွယ်ချက် အလွဲကိုယ်စီနဲ့ တစ်ယောက်တစ်နေရာစီ ရောက်နေတဲ့ သူငယ်ချင်း ဆယ့်တစ်ယောက်ကို လွမ်းလိုက်တာ။

ဟုတ်တယ်.. ခမ်းကီးရဲ့ အထက်တန်းကျောင်းသားဘ၀ အခင်မင်ဆုံး သူငယ်ချင်း (ခမ်းကီးအပါ) ဆယ်နှစ်ယောက် အကြောင်းကို ရင်ဖွင့်ချင်လာတယ်။ ရည်မှန်းချက် မြင်မားခဲ့တဲ့ သူတို့ကို လွမ်းတယ်။ (ဖူးစာမဆုံလေတဲ့ သူတို့ကို လွမ်းတယ်)

ဒီပို့စ်လေးကို သူတို့တွေ ဖတ်မှ ဖတ်မိနိုင်ပါ့မလား…။ (မဖတ်ဖြစ်ဖို့က များနေတယ်) ဒါပေမယ့် အမှတ်တရတော့ ပြောပြချင်သေးတယ်။

ခမ်းကီး အထက်တန်းတက်ရမယ့်နှစ်မှာ ရွာက အလယ်တန်းကျောင်းက အထက်တန်းကျောင်းကြီးအဖြစ် ဖွင့်လှစ်တဲ့နှစ်နဲ့ကြုံတော့ ခမ်းကီးအတွက် သိပ်အဆင်ပြေခဲ့တာပေါ့။ မဟုတ်ရင် မြို့ပေါ်တက်ပြီး စရိတ်များစွာ၊ ဒုက္ခများစွာ ကြုံရတဲ့ နယ်ကျောင်းသားအဖြစ်ကို ကြုံနေရဦးမှာ..။

ဟိုတုန်းက ရှစ်တန်းက အစိုးရစစ်ပေါ့။ ရှစ်တန်းကို ငါးဆယ်ကျော် ၀င်ဖြေတာ ခြောက်ယောက်တောင် အောင်ခဲ့တာ။ ဒီအထဲမှာ နှစ်ချင်းပေါက်က ခမ်းကီးနဲ့ မိမိုးဆိုတဲ့ သူငယ်ချင်း နှစ်ယောက်တောင် ပါခဲ့သေး။ (^__^)

သိပ္ပံတွဲကိုးတန်းရောက်တော့ ခမ်းကီးဆို့ ခြောက်ယောက်ရယ်၊ တစ်ခြားရွာက အထက်တန်းလာတက်တဲ့ ခြောက်ယောက်ရယ် လာဆုံဖြစ်သွားတယ်။ မှတ်မှတ်ရရ ဆယ်တန်းမှာကျတော့ မြို့ပေါ်က ဆယ်တန်းကျလာတဲ့ ရွာခံကျောင်းသားတွေ ပြန်ပြောင်းလာတဲ့ လေးယောက်ရှိဖူးတယ်။
ဆယ့်နှစ်ယောက်ထဲမှာ ဗမာစစ်စစ်က တစ်ယောက်တည်းပါတယ်။ ကျန်တာက ကရင်၊ ပအိုဝ်း၊ မွန်နဲ့ ကုလားတစ်ယောက်ပါ ပါလိုက်သေး။

သူများအတန်းတွေမှာ မိန်းကလေးကျောင်းသူ များလေ့ရှိပေမယ့် ခမ်းကီးတို့အတန်းမှာ မိန်းကလေး လေးယောက်၊ ယောက်ျားလေး ရှစ်ယောက် ဖြစ်နေတယ်။ မိန်းကလေးတွေကလည်း တစ်ယောက်မှ မချော (ခမ်းကီးမျက်လုံးအားဖြင့်)တော့ လုဘက် သိပ်မရှိဘူးပေါ့။ (^__^)

အဟဲ… သိပ္ပံတွဲသမားတွေဆိုတော့ လူတော်အခန်းပေါ့။ ဆယ်တန်းမှာ အောင်ချက်ကောင်းမယ့်အဖွဲ့တွေ ဆိုပြီး ဆရာ၊ဆရာမတွေ တစ်ပေးခံရတဲ့အတန်းပေါ့။

သိပ္ပံတွဲသမားမို့ ဆရာဝန်ရူး၊ အင်ဂျင်နီယာရူး ရူးလိုက်ကြတာ..။

အဲဒီတုန်းက ခမ်းကီးတို့နယ်မှာ ကျူရှင်ဆိုတာ မရှိသေးဘူး။( ကြားဖူးတဲ့အဆင့်မျှသာ ရှိတယ်)။ ဆရာ၊ဆရာမတွေကလည်း ကျူရှင်ဖွင့်စားဖို့လည်း မတွေးခဲ့ကြပါဘူး။ တပည့်တွေကို တတ်စေချင်လွန်းလို့ အချိန်ပိုခေါ်ပြီး သင်ကြားပေးတဲ့ ခေတ်ပေါ့။ စနေ၊ တနင်္ဂနွေ ကျောင်းပိတ်ရက်တွေဆို တစ်ဘာသာကို သုံးနာရီ၊ လေးနာရီတန်သည် ခေါ်ပြီးသင်ပေးကြ၊ ကျောင်းဖွင့်ရက်မှာလည်း ညနေပိုင်းမှာ သူတို့အိမ်မှာ အချိန်ပို သင်ပေးကြနဲ့….။ ဆရာသမားရဲ့ စေတနာဆိုတာ ခမ်းကီးတိုဲ့အပြည့်အ၀ရခဲ့ကြတဲ့ အချိန်ကာလရယ်ပါ။

ယောက်ျားလေးမှာ ခွန်သစ်လွင်က ရုပ်အချောဆုံးနဲ့ အပြောအကောင်းဆုံး။ ကောင်းအပြေးနိုင်ဆုံးက ခွန်ချစ်ထူး၊ တစ်ပတ်လုံး ကျောင်းရက်ပြည့်တက်တယ်လို့ မရှိခဲ့ဘူး။ ထူးဆန်းထွေလာ ပြောလေ့ရှိတဲ့သူက စောထိန်ဝင်း၊ သူက နိုင်ငံတစ်ကာသတင်းတွေဖတ်ပြီး ဖေါက်သယ် ပြန်ချပေးလေ့ရှိတယ်။

စကားအနည်းဆုံးနဲ့ အအေးဆုံးက မောင်နိုင်ကျော်၊ တစ်နေ့လုံးနေလို့ ဘယ်သူနဲ့မှ စကားမပြောပဲ နေတတ်သူ။ လူမှုရေးမှာ အတက်ကြွဆုံးက စောတင်ထွဋ်၊ ကြက်ခြေနီလား၊ ကျောင်းကျန်းမာရေးလား၊ အလှူအတန်း အစုံ သူကအရင်ဦးဆောင်တတ်သူ။

အူကြောင်ကြားလို့ အခေါ်အခံရဆုံးက ခွန်ဆန်းအောင်၊ ကျောင်းသူချောချောဆို အကုန် ရည်းစားစာ ပေးတတ်တဲ့လူ။ တစ်ယောက်မှ ပြန်ကြည်တယ်လို့ မကြားခဲ့ရဘူး။ ဆရာ၊ဆရာမတွေကို အကြောက်ဆုံးက တူးတူး(ခ)ကုလားလေး၊ အိမ်စာမပြီးလို့ ဆရာတွေကို ကြောက်ရ၊ ကျောင်းချိန် နောက်ကျမှာစိုးလို့ အစောကြီး ကျောင်းရောက်တတ်သူ။

အဟမ်း… ယောက်ျားလေး တစ်ယောက်ပဲ ကျန်တယ်။ ခမ်းကီးအလှည့်ပေါ့… ^__^

စာသွားသင်ပါတယ်ဆိုမှ စာအုပ်အစုံ တစ်ခါမှ မယူသွားတတ်တဲ့သူက ခမ်းကီး။ သင်္ချာစာအုပ်ဆို ပိုဆိုး။ အိမ်မှာ အသစ်အတိုင်း ရှိနေတယ်။ သင်္ချာချိန်ဆို တစ်ယောက်ယောက်ရဲ့ဘေးမှာ ခမ်းကီး ကပ်နေရတော့တာပဲ။ ^__^

ကဲ.. မိန်းကလေးအလှည့်။ အချောဆုဆုံးက မိမိုးကို ပေးရမယ်။ မွန်မဆိုပေမယ့် အသားဖြူဖြူလေးရယ်၊ သူများတွေရဲ့ရမှတ်ကို တစ်ချိန်လုံး လိုက်စပ်စုနေတတ်တယ်။ စာအတော်ဆုံးက နန်းတင်တင်သိန်း၊ စာပဲ စိတ်ဝင်စားပြီး အေးအေးနေလေ့ရှိတယ်။ မိန်းကလေးဆိုပေမယ့် တစ်ခါမှ မိတ်ကပ်လိမ်းတာ မတွေ့ဖူးဘူး။ အပျိုကြီး ဖြစ်မယ့်ရုပ်လို့ အားလုံးက ထင်ကြေးပေးထားကြတယ်။

အကောင်အသေးဆုံးနဲ့ အမဲဆုံးက နန်းဆွေဆွေလင်း၊ အတန်းမှာ ကလေးလို့ အခေါ်ခံရသူ။ အမကြီးလို့ အခေါ်ခံရသူက နန်းချိုချို၊ ဆယ်တန်းကျနဲ့ အသက်အကြီးဆုံး။

ကျောင်းသစ်၊ အတန်းသစ်၊ သူငယ်ချင်းသစ်တွေနဲ့မို့ အပျော်ဆုံးအချိန်ကာလပေါ့…။

အဲဒီတုန်းက စက်ဘီးခေတ်မို့ အားလုံးက စက်ဘီးကိုယ်စီနဲ့ရယ်။ ဘယ်သွားသွား၊ ဘယ်လာလာ စက်ဘီးနဲ့ အုပ်စုလိုက် ပျော်စရာကြီး။

ပထမဆုံး ဇာတ်လမ်းစတဲ့သူက ခွန်သစ်လွင်နဲ့ မိမိုး…။ စာကူးချဖို့ စာအုပ်တွေ ငှါးကြရင်းက ရည်းစားစာပါ အပိုထည့်ပေးကြသတဲ့လေ…။

အချောဆုံး အချင်းချင်းမို့ အားလုံးက သဘောတူပါတယ်ပေါ့…။ ဆရာမတွေ မသိအောင် အားလုံးက ၀ိုင်းဖုံးဖိပေးကြပါတယ်။ ဇာတ်လမ်းရှုပ်အောင် လုပ်တဲ့သူက အူကြောင်ကြား ခွန်ဆန်းအောင်။ မိမိုးကို ရည်းစားစာ ပေးသတဲ့။

ပြသာနာကို မနည်း ရှင်းလိုက်တယ်။ ဘယ်လိုကနေ ဘယ်လိုကြွေသွားသလဲ မသိဘူးတဲ့။ ခွန်သစ်လွင်ကို မနည်း တောင်းပန်လိုက်ရတယ်။ အားလုံးက ချစ်ချစ်ခင်ခင် ပြန်ဖြစ်ခဲ့ကြပါတယ်။

ပထမအစမ်းအပြီး နှစ်ဝက်လောက်မှာ နိုင်ကျော်နဲ့ ချစ်ထူးက အိမ်တစ်လုံး အတူငှါးနေကြတော့ ယောက်ျားလေးတွေ ဘိခ်ျ(ဂေဟာ)လေး တစ်ခုရခဲ့တယ်။ ကျောင်းပိတ်ရက်ဆို သူတို့အိမ်မှာ စုပြုံနေတော့တယ်။

အဲဒီတုန်းက သာမညတောင် နာမည်ကြီးစပေါ့…။ သာမညဆရာတော်ဘုရား ဘုန်းတန်ခိုးကြီးကြောင်း ကျော်ကြားစ အချိန်။

စက်ဘီးကိုယ်စီနဲ့ ဆရာတော်ဘုရားကို သွားဖူးခဲ့ကြတာ မှတ်မိသေးတယ်။ စာမေးပွဲအောင်ဖို့ သိဒ္ဓိတင်ခဲ့ရတာလည်း အကြိမ်ကြိမ်အလီလီ..။

ဒုတိယအစမ်းစာမေးပွဲ ဖြေခါနီးတစ်ရက်မှာ ၀မ်းနည်းစရာအကြောင်းက ဖန်လာခဲ့တယ်။ နိုင်ကျော့်အဖေဆုံးသွားတဲ့ သတင်းကို ကြားခဲ့ရတယ်။ သူက အဝေးကနေ ကျောင်းလာတက်ရတာ။ သူ့အဖေ အသုဘကိစ္စပြန်သွားပြီးတော့ ပြန်မလာတော့ဘူး။

အားလုံးကလည်း သူ့အတွက် စိတ်ပူတာပေါ့။ သူ့ရွာအထိ လိုက်သွားခဲ့ကြတယ်။ အစ်ကိုကြီးအဖရာဆိုပြီး သူက စွန့်စားခန်း လုပ်တော့မလို့။ အားလုံးက သူတစ်ခွန်းငါတစ်မျိုး ချော့ယူရတယ်။ သူ့အမေကလည်း ကျောင်းဆက်တက်စေချင်တဲ့ဆန္ဒရှိနေတော့ ကျောင်းပြန်တက်ဖြစ်သွားတယ်။

မမေ့နိုင်စရာက နွေရာသီ ကျောင်းမပိတ်ခင် ပျော်ပွဲစားထွက်ခဲ့ကြတုန်းကပေါ့။

တူးတူးက မွတ်ဆလင်ဖြစ်နေတော့ အစားအသောက်ကို သူ့ကိုပဲ ဦးစားပေးလိုက်ကြတယ်။ အားလုံး စားရအောင်ပေါ့။ နေရာကိုတော့ ရွာအရှေ့က လွမ်းညတောင်ခြေ တောစပ်ကို ရွေးလိုက်တယ်။

စားလို့သောက်လို့ပြီးတော့ မဲစနစ်နဲ့ သရုပ်ဖော်ပုံ တင်ဆက်ဖို့ သဘောတူလိုက်ကြတယ်။ ဘာကို သရုပ်ဖော်ရမလဲဆိုတာ မဲမှာ ရေးထားတယ်။ နှိုက်မိသူက ခေါင်းစဉ်အတိုင်း သရုပ်ဆောင်ပေါ့။

အဲဒီ ပျော်ပွဲခရီးက ကျောင်းမှာ နာမည်ကြီးသွားတယ်။ နောက်မှ ၀ိဇ္ဖာခန်းက လူတွေလည်း လိုက်တုပါလေရော။

ကိုးတန်းက ကျောင်းစစ်ဆိုတော့ တန်းလုံးကျွတ် အောင်ခဲ့ကြပါတယ်။

ဆယ်တန်းနှစ်မှာတော့ စာမေးပွဲကျလူဟောင်းရော၊ တစ်ခြားက ပြေင်းလာတဲ့ ကျောင်းသားတွေပါတော့ သိပ္ပံခန်းမှာ နှစ်ဆယ်ကျော် ဖြစ်သွားတယ်။ ဒါပေမယ့် သူငယ်ချင်းဆယ့်နှစ်ယောက်က အရင်ကလိုပဲ ခိုင်မာနေဆဲပေါ့။

နှစ်ဝက်လောက်မှာ သစ်လွင်နဲ့ မိမိုးတို့ဇာတ်လမ်း ကြေကွဲစွာ အဆုံးသတ်ခဲ့တယ်။ လူချောကြီးသစ်လွင်က အသစ်တွေ့သွားလို့ပါပဲ။

သိပ်မကြာခင်မှာပဲ အကန့်အသတ်မရှိ ကျောင်းပိတ်ရက်တွေ ဖန်လာခဲ့တယ်။

ဒီမှာတင် သူငယ်ချင်းဆယ့်နှစ်ယောက်တွေလည်း တစ်ပွဲတစ်ပြားစီ ဖြစ်ကုန်ရော။ တစ်ချို့က မလေး၊ တစ်ချို့က ထိုင်း၊ တစ်ချို့က နယ်စပ်မှာ…။

ကျောင်းတော်ကြီး ပြန်ဖွင့်ချိန်မှာ လူမစုံတော့ဘူး။ တစ်ချို့က စီးပွါးရေးဘက်၊ တစ်ချို့က အိမ်ထောင်ကျနဲ့..။

ကံကြမ္မာဖန်လာတော့လည်း ငယ်ငယ်တုန်းက အိပ်မက်တွေ မိုးလင်းတော့ ပျောက်သွားတဲ့ အိပ်မက်အတိုင်းပါပဲ။

အစိမ်းအဖြူဝတ်စုံလေးနဲ့ ကျောင်းသွားတွေကို မြင်တော့ တမ်းတမိတယ် ငယ်ဘ၀ပါ။ အမှတ်ရစရာတွေ အများကြီးရှိပေမယ့် ဒီမျှနဲ့ပဲ အမှတ်တရ ရေးပါတော့မယ်။

အပျိုကြီးဖြစ်မယ်လို့ ထင်ကြေးပေးကြတဲ့ နန်းတင်တင်သိန်းက အစောကြီး အိမ်ထောင်ကျလို့။

နိုင်ငံတစ်ကာသတင်းအပြောကောင်းတဲ့ စောထိန်ဝင်းလည်း အခုတော့ မိသားစုနဲ့ လယ်တောထဲမှာ။ မိန်းကလေးတွေကို ရည်းစားစာ လိုက်ပေးတတ်တဲ့ ခွန်ဆန်းအောင်က အခုထိ လူပျိုကြီး။

ဆရာဝန်မဖြစ်ချင်တဲ့ မိမိုးက အခုတော့ မလေးမှာလိုလို…။ အမကြီး နန်းချိုချိုက အိမ်ထောင်ကျပြီး မြို့ပေါ်မှာ စားသောက်ဆိုင်ကြီးနဲ့။

ခရီးဝေးကို မသွားဖူးသေးတဲ့ ခမ်းကီးကတော့ အခုတော့ ဟိုး… အဝေးမှာ။

စာကလည်းရှည်နေပြီ.. မိုးကလည်း အခုထိ မတိတ်သေးပါလား…။

အင်း.. မိုးရွာတိုင်းသာ လွမ်းနေရရင်တော့….။



ခမ်းကီး