မှန်ကန်သော ဂုဏ်သိက္ခာ(မှားယွင်းသောဘ၀) -အပိုင်း(၁)

တို့က အရှက်နဲ့လူလုပ်တာ၊ အသက်နဲ့လဲပြီး ဂုဏ်သိက္ခာကို စောင့်ထိန်းတယ်ဟေ့.. လို့ ကိုယ်နေတဲ့ ပတ်ဝန်းကျင်မှာ မကြာခဏ ကြားဖူးကြမှာပါ..။

သူခိုးကလည်း သူ့ဂုဏ်သိက္ခာနဲ့ သူပဲ။ ဓါးမြကလည်း သူ့ဂုဏ်သိက္ခာနဲ့ သူပါပဲ။ လက်ပူးလက်ကြပ် သက်သေမပြနိုင်ရင် သူ့ဂုဏ်သိက္ခာကို ချနိုင်ရိုးလား….။

လောကကြီးမှာ ဂုဏ်သိက္ခာဆိုတဲ့ အရေခွံကို ခြုံပြီး ခပ်တည်တည်နဲ့ ရှင်သန်လှုပ်ရှားနေတဲ့ လူတွေကို တွေ့ဖူးကြမှာပါနော….။

သူလိုကိုယ်လို သမ္မာအာဇီဝကို မထိန်းနိုင်ပဲ အသမ္မာအာဇီဝ ဖြစ်သွားရင် ဝေဖန်ကဲ့ရဲ့ဖို့က အဆန်း မဟုတ်လောက်ပါဘူး…။

တစ်ခါတစ်လေ သမ္မာအာဇီဝဆိုင်တဲ့ ဖြစ်ရပ် မဟုတ်ပဲ….၊ ဂုဏ်သိက္ခာကို အသက်နဲ့လဲပြီး ကာကွယ်ခဲ့သူကို မြင်ဖူးကြရဲ့လား…။

အဲဒီလူကို မြင်ဖူးခဲ့ရင် ဘယ်လို ဝေဖန်မလဲ၊ ကဲ့ရဲ့မလဲ….။


လောကကြီးမှာ မသိနိုင်တဲ့ အရာတွေက အများကြီးပါ။ ကိုယ်အကြောင်းမျှသာကိုပဲ အကုန်သိခဲ့ပါရဲ့လား မဆိုနိုင်…။ ကိုယ်အကြောင်းကိုယ်သိပါလျှက် မသိသလို နေလိုက်ရသော၊ ဂုဏ်သိက္ခာအတွက် သိနေတာကို မသိသလို ဟန်ဆောင်နေရသူတစ်ချို့ကို လေ့လာ (စပ်စု) ကြည့်ရအောင်….။

. . .

ခွန်ထွန်းဖေက ကျနော့်ရဲ့ ငယ်ပေါင်းပါ။ အသားဖြူတဲ့ သူ့မောင်နှမတွေထဲ သူကထူးခြားပြီး မဲနေလို့ ကျီးကန်းဆိုပြီး ရင်းနှီးတဲ့လူတွေ ခေါ်ကြသေးတယ်။ ကျနော်က ကျီးကန်းလို့ ခေါ်ပါများတော့ သူ့နာမည်အရင်း ခွန်ထွန်းဖေဆိုတာတောင် မေ့တေ့တေ့ရယ်။

ကျနော်တို့ ငယ်ငယ်တုန်းက သူ့အမေကို စူးစမ်းလိုစိတ်နဲ့ မေးဖူးပါတယ်။ အမေကဖြူ၊ အဖေကလည်း အမဲကြီး မဟုတ်ပဲ ဘာလို့ ကျီးကန်းက သူ့မောင်နှမတွေထက် မဲနေရသလဲပေါ့…။

သူ့အမေ ဒေါ်နန်းမူက ကျီးကန်းအဖေဘက်က အဖိုးဖက်လိုက်လို့ မဲတာလို့ ဖြေဖူးတယ်။ အင်း.. ဟုတ်သားပဲ၊ သူ့အဖိုးမောင်တုတ်က အသားမဲတာပဲလေဆိုပြီး စောဒက မတက်တော့ပဲ ငြိမ်နေလိုက်တယ်။ ဒေါ်နန်းမူက မိန်းမချောကြီး၊ သူ့အဖေ ဦးမိုးသီးကလည်း တုတ်တုတ်ခိုင်ခိုင်နဲ့ ကြည့်လို့ကောင်းတဲ့ လယ်သမားဆိုတာ ကျနော်တို့ ငယ်ငယ်ကတည်းက သိထားကြတာပါတယ်။

နွေရာသီ ကျောင်းပိတ်ရက်တွေဆို ကျီးကန်းတို့ အိမ်မှာ ကလေးတွေ ပြုံလေ့ရှိတယ်။ သူတို့ရဲ့ ရွာစွန်ကျကျ ခြံဝင်းထဲမှာ အရိပ်ကောင်းပြီး တက်ရလွယ်တဲ့ အပင်ကြီးတွေရှိတယ်။ အဆော့သန်တဲ့ ကျနော်တို့လို ကလေးတွေအကြိုက်ပေါ့…။

ပြီးတော့ တောအုပ်နဲ့လည်းနီး၊ ဆယ့်နှစ်ရာသီ ရေရှိတဲ့ မြောင်းပြတ်ကြီးနဲ့လည်းနီးတော့ ကလေးတွေအကြိုက်ပေါ့..။ တောထဲက ရလာတဲ့ ငှက်တွေ၊ ရှဥ့်တွေ၊ ဖားငါးတွေအဆုံး ကျီးကန်းတို့ခြံထဲ အပင်ကြီးအောက်မှာ တစ်ပျော်တစ်ပါး ကင်စား၊ ချက်စားလေ့ ရှိကြတာကိုး…။ လူကြီးတွေ ကြိမ်းမောင်းခြင်း လွန်တဲ့ နေရာမှန်လေးပေါ့…။ လောက်စာလုံးအတွက်လည်း မြောင်းပြတ်ထဲက မြေနူးတူးဖို့က အဆင်သင့်ရယ်…။

အားနာပါးနာစွာဖြင့် မှတ်မှတ်ရရ ရှိနေသေးတဲ့ အရာကို ရေးပြချင်သေးတယ်..။ ( ^__^ ခပ်တည်တည်နဲ့ ဟာသမပါတဲ့ ပို့စ်လေး ရေးမယ်ဆိုကာမှ)

ဒီလိုဗျ….။ ကျနော် မှတ်မိသေးတဲ့အထိ အဲဒီအချိန်မှာ ရွာမှာ အိမ်သာသုံးတဲ့ အလေ့ မရှိသေးဘူး..။ (အားနာပါရဲ့.. ^__^ )

အလေးအပင် ကိစ္စဆို ရွာနားက တောစပ်ကို ပြေးသွားရတာ…။ ဒါကြောင့် တောသွားတယ်လို့ ခေါ်လေသလား မဆိုနိုင်။ အပေါ့အပါး ကိစ္စကိုတော့ နီးရာချုံကွယ်တဲ့ နေရာမှာပေါ့နော်။ တွေ့ဖူး၊ မြင်ဖူးလိမ့်မှာပါနော်…..။

ကျနော်တို့ သုံးတန်းဖြေပြီးတဲ့ နွေရာသီတစ်ရက်မှာ ထင်တယ်။ ငှက်ပစ်ဖို့ ကျနော်တို့ အုပ်စု တောစပ်ဘက် ထွက်လာခဲ့ကြတယ်။ တောထဲရောက်တော့ ငှက်ချောင်းဖို့ လူခွဲရတာပေါ့။ တောနက်အထိလည်း မသွားရဲကြပါဘူး။ ခိုးပြီး လစ်လာတာဆိုတော့ လူကြီးတွေ စိတ်ပူမှာ စိုးရိမ်မှာလည်း ပါတာပေါ့..။

လူစုခွဲပြီး သိပ်မကြာဘူး..။ ခပ်အုပ်အုပ်ရှိတဲ့ အပင်အောက်မှာ ငှက်ချောင်းဖို့ ကျနော်ပုန်းနေလိုက်တယ်။ အပင်ငယ်တွေကြားမှာ မုဆိုးလိုလို၊ ဘာလိုလိုပေါ့။ ဒါပေမယ့် ရွာသားတွေ စွန့်ထားတဲ့ မှိုင်းဗုံးအနဲ့ကို တော်တော် သည်းခံရတာပေါ့…။ ^___^

ငှက်တစ်ကောင်မှ လာလို့တောင် မနားသေးဘူး…။ တစ်မျှော်မျှော်နဲ့ ဟိုကြည့်ဒီကြည့် ရှိနေတုန်း ကျီးကန်းတို့အမေ တောစွန့်ဖို့ ရောက်လာပါလေရေ…..။ ဒေါ်နန်းမူ ရှက်မှာစိုးလို့ ကျနော် ငြိမ်နေလိုက်တယ်။ (ချောင်းကြည့်တာ မဟုတ်ဘူးနော်.. ^__^ )

ဒေါ်နန်းမူက ကိစ္စပြီးလို့ ထပြန်ဖို့ အလုပ်မှာ မထင်မှတ်ပဲ ဦးရွှေသွား ပေါက်ချလာပြီး ဒေါ်နန်းမူကို ခြုံတောဘက် ဆွဲသွားပါလေရော…။ ဘယ်ကဘယ်လို ရောက်လာမှန်း ကျနော်တောင် မသိခဲ့ပါဘူး။ ကျနော်လည်း လန့်သွားတယ်။ ကြောက်ကြောက်နဲ့ ဆက်ချောင်းနေလိုက်တယ်။ ဘယ်လိုကြီးလဲ.. ဘာလုပ်ဖို့လဲ စတဲ့အတွေးတွေနဲ့ ထူပူသွားတာ အမှန်ပဲ။

ဒေါ်နန်းမူက ပါးစပ်ကလည်းဆဲ၊ လက်ကို အတင်းဆွဲဖြုတ်ရင်းနဲ့ ဒရွတ်တိုက် ပါသွားနေတယ်။

အဲဒီအချိန်မှာပဲ ဦးရွှေသွားရဲ့ ခြေထောက်က နွယ်ပင်နဲ့ ငြိသွားလို့လားပဲ၊ ဗုန်းကနဲ လှဲကျသွားတယ်။ ဒေါ်နန်းမူရဲ့လက် လွတ်သွားတာနဲ့ အတင်းရုန်း ထွက်ပြေးပါလေရော…။

ကာယကံရှင်တွေတော့ မသိဘူး။ ကျနော်ဖြင့် ရင်တစ်ထိတ်ထိတ်နဲ့ ကြောက်လန့်ပြီး ခြေလက်တွေ တုန်လာတယ်။ အိပ်မက်တာလား၊ သရဲခြောက်နေတာလားပေါ့….။

ဦးရွှေသွားက ပြေးလိုက်နေသေးတယ်။ ဒါပေမယ့် ချုံပင်တွေအထိပဲ လိုက်ပြီး ရပ်နေလိုက်တယ်။ ဒေါ်နန်းမူက ကွင်းပြောင်ဘက် ရောက်သွားလို့ ဆက်မလိုက်တော့တာ ဖြစ်ပုံရတယ်။

ပြီးတော့မှ ဘာသိဘာသာနဲ့ တောစပ်ထဲ ၀င်ပြီး ပျောက်သွားတယ်။ ကျနော်လည်း ဘာလုပ်လို့ ဘာကိုင်ရမှန်းမသိ ဖြစ်နေတယ်။ စောစောက ဒေါ်နန်းမူ ဆဲသွားပုံအရ တောသွားတဲ့မိန်းမတွေကို ဦးရွှေသွား လာလာပြီး ချောင်းတတ်လေသလား လို့တွေးနေတယ်။ အယုတ်တမာ၊ လူယုတ် ဆိုတာလည်းပါတယ်၊ ခဏခဏ ဆိုလည်းပါတော့ ဦးရွှေသွား အကျင့်ယုတ်မာကြောင်းကိုပဲ တွေးနေမိတယ်။ သိဖူးသမျှ၊ ကြားဖူးသမျှလည်း ဦးရွှေသွားအကျင့် မကောင်းကြောင်းကို ရွာသားများဆီက ကြးဖူးနေတယ်ဆိုတော့…။

ကလေးတို့ဘ၀ အထိတ်တစ်လန့်မို့ သူငယ်ခင်းတွေကို ပြောပြဖို့ စဉ်းစားမိသွားတယ်။ ငှက်မချောင်းတော့ပဲ သူငယ်ချင်းရှိရာ ထွက်လာခဲ့တယ်။ ဒါပေမယ့် ဦးရွှေသွားက ကိုယ့်ကို ပြန်ပြီး ဒုက္ခပေးမှာကို သွားတွေးမိတယ်။ သူငယ်ချင်းတွေကို ပြောပြလို့ ဖြစ်ပါ့မလား..။ အိမ်က လူကြီးတွေကိုရော ပြောပြလို့ ဖြစ်မလားဆိုပြီး လိုက်တွေးရင်းက ဘယ်သူ့ကိုမှ မပြောပြခဲ့ပါဘူး…။

အမှန်က ကျီးကန်းလည်းပါနေတော့ သူ့ကို အားနာသလိုလို၊ ကိုယ်ပြောမိလို့ သူရှက်သွားမှာ စိုးရိမ်သလိုလိုပါ။ ညနေစောင်းတော့ သူတို့ရတဲ့ ငှက်တွေနဲ့ပဲ ကင်စားဖြစ်ခဲ့တယ်။ သူများတွေ ဟေလားဝါးလား ရှိပေမယ့် ကျနော်တစ်ယောက် အိမ်ပေါ်မှာချက်ပြုတ်နေတဲ့ ဒေါ်နန်းမူဆီပဲ စိတ်ရောက်နေတယ်။

အဲဒီအချိန်ကစပြီး ဒေါ်နန်းမူရဲ့ အဖြစ်အပျက်က ကျနော်ကို လွမ်းမိုးနေတော့တယ်။

ဒေါ်နန်းမူ ဆဲခဲ့တဲ့ ယုတ်မာလို့ မ၀သေးဘူးလား အယုတ်တမာကြီးဆိုတာကို သံသယဖြစ်နေတယ်။

. . .

အချိန်အတန်ကြာသွားလို့ ဒေါ်နန်းမူတို့ အဖြစ်အပျက်ကို မေ့သလိုလို ရှိပြီး တစ်ရက်မှာ ကျနော့်ကို သံသယ ဖြစ်စေတဲ့အကြောင်းက ပေါ်လာပြန်ရော…။

နွေရာသီဆိုတော့ ရှင်ပြုပွဲရာသီက ရောက်လာပြန်ပြီလေ…။

လူကြီးတွေက ရှင်ပြုပေးတော့မယ်ဆိုတော့ ကျနော်တို့တစ်တွေ ပျော်လိုက်တာ..။ ရှင်မပြုခင် ဘုန်းကြီးကျောင်းမှာ ဘုရားစာ၊ သင်္ဃန်းတောင်း စတဲ့ ဂါထာရွတ်တတ်ဖို့ လူကြီးတွေ ဘုန်းကြီးကျောင်းအရင် သွားအပ်တာပေါ့။

အဲဒီမှာတင် ကျီးကန်းရဲ့အဖေက ရှင်မပြုပေးနိုင်ဘူး၊ မအပ်ပေးနိုင်ဘူးဆိုပြီး လင်မယားရန်ဖြစ်နေကြကြောင်းကို လူကြီးတွေပြောတာ ကြားခဲ့ရတယ်။ ကျီးကန်းကို သူ့အဖိုးကပဲ ဘုန်းကြီးကျောင်းအပ်ပေးခဲ့ရတယ်။

အဲဒီအချိန်က ကျနော်တို့နယ်မှာ အလှူဖိတ်စာနဲ့ ရပ်ဝေးက ဆွေမျိုးမိတ်ဆွေကို ဖိတ်ကြားတာ ခေတ်စားစပေါ့…။ ကျီးကန်းရဲ့အဖေက ဖိတ်စာလည်း မရိုက်နိုင်ဘူး၊ အလှူပွဲကိုလည်း စိတ်မ၀င်စားဘူးဆိုပြီး ဘုကန့်လန့် လုပ်နေတယ်ဆိုလို့ ရွာသားတွေ ပြောနေကြလေရဲ့..။

သူတို့အိမ်က စီးပွါးရေးအဆင်မပြေလို့၊ ငွေရေးကြေးရေး အဆင်မပြေလို့များလား ဆိုပြီး တွေးမိပေမယ့်..။ မိုးကောင်းလို့ သူတို့လယ်ကစပါးလည်း အထွက်ကောင်းနေတယ်။ သူတို့ပိုင်တဲ့ အင်းတွေဆို ငါးတွေကလည်း ပေါမှပေါ ပါလျှက်၊ ကျီးကန်းရဲ့အဖေကို ကျနော်နားမလည်နိုင်စွာပဲ ဖြစ်နေခဲ့တယ်။

ကလေးအတွေးနဲ့ ပေါက်ကရ လိုက်တွေးရင်းက သူ့သားများ မဟုတ်လေသလားဆိုပြီး တွေးမိသွားတယ်။

ဒါပေမယ့် ဆက်စပ်တွေးတောမိတဲ့အဆင့်တော့ ရောက်ခဲ့ပါဘူး။

နောက်ပိုင်းမှာ ကျီးကန်းတို့အဖေ အရက်သောက်ကြမ်းလာတယ်လို့ ကြားမိခဲ့တယ်။ လယ်အားတဲ့ရာသီ၊ ပျော်ပွဲရွှင်ပွဲရာသီ ပေမို့လို့ပဲ သူသူငါငါ တွေးနေကြမှာပေါ့…။ ကျနော်တို့လည်း ရှင်လောင်းဖြစ်ရတော့မှာမို့ အပျော်ကြီး ပျော်နေခဲ့ကြတယ်။

ကိုရင်ဘ၀ရောက်မှပဲ ကျီးကန်းက ဦးရွှေသွားနဲ့ တူလာသလားလို့ ကျနော် တွေးထင်မိသလိုလို…။

ကတုံးကြီးနဲ့ ကျီးကန်းက သူ့အဖေ ဦးမိုးသီးရုပ် နည်းနည်းမှမပေါက်..။

အဲဒီနောက်ပိုင်းမှာ ကျီးကန်း၊ ဦးမိုးသီး၊ ဒေါ်နန်းမူနဲ့ ဦးရွှေသွားတို့ကို သံသယ ဖြစ်တဲ့စိတ်က ပိုကြီးမားလာခဲ့တယ်…..။

* * *
ခမ်းကီး
၁၁၊ဇွန်၊၂၀၀၉